Gid Repons Siklòn Ian

by | December 27, 2022

Nap Travay Pou Ou, Nap Goumen Pou Nou

Siklòn Ian afekte tout Eta Florid la. Reprezantan Anna V. Eskamani pral mete paj sa a ajou regilyèman yon fason pou ou ka chèche sipò ak patisipe.

Dènye mizajou a te fèt 27 desanm 2022.

INITE FLORID FON

Tanpri ranpli fòm sa a pou mande asistans ki gen rapò dirèkteman ak enpak siklòn Ian. Si ou pa kapab abite lakay ou akòz domaj siklòn Ian, tanpri chwazi “Lojman” epi bay enfòmasyon sou kondisyon aktyèl lakay ou. N ap itilize enfòmasyon ou bay nan pòtal sa a pou detèmine si w kalifye pou abri tanporè, reparasyon kay ak lòt bezwen ki pa satisfè.

MOUN KI DISPARÈT

Florida Division of Emergency Management (opsyon kreyòl ayisyen an tèt sitwèb la) gen yon lyen ki disponib pou ede jwenn ak sove sivivan siklòn Ian.

Sèvis la ofri yon pòtay kote moun ki bezwen sekou nan moman an oswa pou moun kap chèche jwenn moun pwòch yo.

Atravè yon fòm sou sit entènèt yo an, wap ka bay enfòmasyon debaz sou ki kote ou ye a ansanm ak enfòmasyon pou yo kontakte ou oswa dènye kote yon lòt moun te ye. Lè ou ranpli fòm nan, li pral ede travayè sekourist yo jwenn moun ki nan bezwen yo.

Vizite missing.fl.gov/es epi ranpli fòm nan meyè fason ou kapab. Lè wap itilize fòm nan pou chèche moun pwòch ou yo ki disparèt yo, bay tout enfòmasyon ki disponib sou dènye kote moun pwòch ou yo te ye ak kondisyon yo.

Pou plis enfòmasyon sou mezi ijans yo ak mizajou sou zefò rechèch ak sekou, vizite FloridaDisaster.org/info (opsyon kreyòl ayisyen an nan tèt sitwèb la).

BÈT DOMESTIK KI DISPARÈT

 

Li byen pwobab ke yon moun ka jwenn bèt domestik ou an ki te disparèt la epi mennen li nan yon klinik veterinè oswa yon sant refij tou pre si bèt la gen te gen yon mikwopis (pis elektwonik). Nenpòt moun ki pèdi yon bèt domestik ki te gen yon mikwopis ta dwe kòmanse rele sant rejij lokal yo, answit tout lopital veterinè nan zòn kote bèt domestik la te disparèt.

Si bèt domestik la pa gen okenn etikèt idantite, yo ka petèt toujou retounen lakay yo. Yo toujou rekòmande pou ou rele sant refij yo pou wè si yo vin mennen bèt domestik la, sinon bèt domestik yo ta ka jwenn wout yo nan yon zòn rakbwa oswa yon diferan katye pou tann fen tanpèt la oswa yo aktivman ap eseye retounen lakay yo. Nan senaryo sa a, sèl bagay ou ka fè se pran pasyans epi tann pou ou wè si bèt domestik ou an rive jwenn wout lakay ou.

 

RETABLISMAN KOURAN

Plis pase 1.9 milyon kay ak biznis nan Florid toujou pa gen kouran depi nan vandredi apre siklòn Ian te travèse tout eta a nan mèkredi ak jedi.

Kantite sa a desann soti nan plis pase 3.5 milyon kliyan ki te afekte depi lè siklòn lan te frape Kòt Gòlf Florid la mèkredi pandan tan sa a tou, sèvis piblik yo tap retabli sèvis kouran apre tanpèt la te fin pase sou teritwa yo.

Nou ankouraje ou kontakte konpayi kouran lokal ou a pou ou aprann plis epi pou ou rapòte blakawout yo tou. Gade isit la pou yon lis konplè.

Klike isit la pou yon Kat Jeyoofrafik kap montre Blakawout nan Florid.

INONDASYON

Anpil kote nan Florid anba inondasyon an mas, epi ekip sekou yo ap travay lè siplemantè pou ede nou. Nou ankouraje ou kontakte premye sekouris lokal yo pou chèche opsyon evakyasyon. Si ou pa nan yon sitiyasyon ijans, tanpri tann dlo a bese epi evite — lè sa posib — kontak ak dlo a. Gen enkyetid sante, ak enkyetid pou bèt sovaj ki nan dlo a.

FEMA

Kounye a apre siklòn Ian, konte Orange, Osceola, Polk, Seminole,  Flagler, Putnam, St. Johns ak Volusia yo elijib pou asistans FEMA. Sa a se an adisyon ak konte Charlotte, Collier, DeSoto, Hardee, Hillsborough, Lee, Manatee, Pinellas ak Sarasota, ke yo te deja apwouve pou Asistans Endividyèl.

Asistans Endividyèl FEMA ka gen ladann asistans lojman tanporè, reparasyon debaz nan kay yo ak sèten lòt bezwen ki gen rapò ak dezas ki pa kouvri anba asirans.

Sivivan yo ka aplike pou asistans apre dezas nan disasterassistance.gov, lè yo rele 800-621-3362 soti 7 a.m. rive 11 p.m. EST, oswa lè yo itilize aplikasyon mobil FEMA a. Si wap itilize yon sèvis relè tankou sèvis relè videyo (VRS), sèvis telefòn ki gen tit oswa lòt bagay, pataje nimewo sèvis sa a ak FEMA.

Pou yon videyo aksesib sou fason pou aplike pou asistans ale nan youtube.com/watch?v=WZGpWI2RCNw.

Pou enfòmasyon sou rekiperasyon Florid apre siklòn Ian, vizite fema.gov/disaster/hurricane-ian. Swiv FEMA sou Twitter sou FEMA Region 4 (@femaregion4) / Twitter ak sou facebook.com/fema

OU BEZWEN FÈ YON REKLAMASYON ASIRANS?

Florida Division of Consumer Services mete nan dispozisyon konsomatè yo yon liy dirèk pou fè demann an anglè (1-877-693-5326) ak an panyòl (1-850-413-3033) pou reponn foul kesyon ki gen rapò ak reklamasyon asirans yo. Pou repons ki pi rapid, yo ankouraje konsomatè yo voye kesyon atravè imèl bay consumer.services@myfloridacfo.com kote soumisyon yo ap antre nan yon liy atant. Pou plis enfòmasyon, tanpri klike isit la.

Florida’s Insurance Consumer Advocate se yon resous pou ede moun Florid yo fè reklamasyon asirans. Klike isit la pou ou aprann plis, epi fè atansyon ak fwod lè wap chèche èd pandan wap ranpli yon reklamasyon asirans.

Ou ka kontakte Reprezantan Chanm Eta ou an oswa Senatè Eta a etandone sistèm asirans pwopriyete Florid la kraze donk moun nou eli lokalmanl yo ta dwe tande ou. Klike isit la pou ou idantifye reprezantan lokal ou yo.

KÒMAN POU OU EVITE FWOD

Malerezman, nou tout konnen trè byen ke eskro yo pwofite evènman enpòtan tankou tanpèt sa a pou yo pran avantaj moun ki vilnerab yo. Tanpri gade bwochi sa a ki gen tit “Evite Fwod nan Reparasyon Apre Dezas” pou ou jwenn konsèy sou kòman pou ou idantifye frod apre yon siklòn epi tanpri pataje enfòmasyon sa yo otan ou kapab.

ASIRANS CHOMAJ POU LÈ GEN KATASTWÒF

Depatman Opòtinite Ekonomik Eta Florid la te anonse ke rapò rechèch travay, semèn datant, ak kondisyon enskripsyon Anplwaye Florida pou reklamasyon Asistans Reyanbochaj yo te anile tanporèman pou Floridyen ki afekte nan siklòn Ian nan konte FEMA te deklare kòm zòn sinistre. Lè yo anile kondisyon sa yo, Floridyen ki elijib yo pral kapab aplike rapidman epi resevwa asistans pou reyanbochaj ak benefis pou chomaj lè gen katastwòf.

Anplis de sa, Asistans pou Chomaj lè gen Katastwòf (DUA) disponib pou biznis ak rezidan ki abite andedan Florid, nan konte kote FEMA te deklare kòm zòn sinistre, ki te pèdi travay oswa biznis yo dirèkteman akoz de siklòn Ian epi yo pa kalifye pou benefis regilye nan pwogram Asistans Reyanbochaj Eta a oswa Federal.

Apran plis isit la.

FOOD INSECURITY

DCF te resevwa otorizasyon pou bay ranplasman benefis SNAP an foul pou moun ki pa t resevwa benefis bonè (kay ki te resevwa benefis apati 15/09/22 -28/09/2022) nan konte sa yo ki afekte: Charlotte, Collier, Desoto. , Flagler, Glades, Hardee, Hendry, Highlands, Hillsborough, Lee, Manatee, Okeechobee, Orange, Pinellas, Polk, Putnam, Sarasota, Seminole, ak Volusia. Nou ap rete tann otorizasyon pou konte sa yo, Osceola ak St. John. Ranplasman benefis yo te otomatikman chaje sou kat EBT jodi a (03/10/2022).

Fanmi ki ta nòmalman resevwa benefis SNAP ant 01/10/2022 – 14/10/2022 te resevwa benefis yo pou Oktòb bonè nan dat 27/09/2022 pou ede avèk preparasyon pou tanpèt la si fanmi yo te bezwen evakye oswa achte bagay ki pap gate. Depatman an pa kapab fè yon ranplasman benefis an foul pou fanmi sa yo, dapre direktiv federal yo. Sepandan, si moun ki abite nan konte ki afekte e ke nou enimere anwo a ta bezwen ranplasman benefis pou manje ki te pèdi pandan tanpèt la, benefisyè yo ka aplike sou Entènèt.

Depatman an te resevwa otorizasyon pou kite moun yo itilize benefis SNAP pou achte manje cho. 

DSNAP Mizajou: Depatman an te mande otorizasyon pou benefis SNAP pou katastwòf nan men USDA. D-SNAP ede fanmi ki te pèdi afè yo oswa sibi domaj pandan yon katastwòf natirèl a travè asistans nitrisyon. Aplikasyon pou egzansyon an, lè yo apwouve l, a pral senplifye pwosesis la pou moun ki pa resevwa SNAP kapab resevwa benefis SNAP. Anplis de sa, DCF te mande apwobasyon pou moun ki deja patisipe nan pwogram SNAP kapab resevwa maksimòm benefis dapre kantite moun ki nan kay yo. Yon fwa yo akòde demann sa a, moun ki deja patisipe nan pwogram SNAP la pral resevwa diferans lajan ki genyen ant kantite benefis nòmal chak mwa yo ak maksimòm kantite lajan yo kalifye pou yo resevwa. Tou de demann sa yo ap tann apwobasyon nan men USDA. Plis enfòmasyon isit la.

GADE PLIS MIZAJOU ISIT LA.

Nou ankouraje w kontakte Bank Manje nan zòn ou an tou. Klike la a pou aprann plis.

ÈD POU TI ANTREPRIZ

Small Business Administration (SBA) ap fè prè apre dezas ak enterè ba pou ede antrepriz ak pwopriyetè kay yo rekipere apre evènman yo te dezinye kòm dezas yo. Aprann plis isit la.

Eta Florid ap fè sondaj sou biznis ki afekte yo tou pou idantifye  bezwen yo, ou ka jwenn sondaj sa a isit la (opsyon kreyòl ayisyen an nan tèt sitwèb la).

KONPAYI KAP OFRI ÈD

Plizyè konpayi ap bay floridyen ki te afekte ak siklòn Ian asistans. Sa a gen ladan konpayi telekominikasyon ak konpayi entènèt. Klike isit la pou ou aprann plis (opsyon kreyòl ayisyen an tèt sit entènèt la).

Pandan ke anpil moun ap rete anndan kay yo, rezo WiFi Charter a pral ede asire koneksyon entènèt pou moun ki bezwen li andeyò kay yo, sa a enkli anplwaye esansyèl gouvènman, premye sekouris, travayè swen sante ak travayè biznis esansyèl yo. Gen yon kat jeyografik kap montre pwen aksè ki disponib yo nan spectrum.com/internet/wifi-access-points.

ASISTANS LWAYE

Malerezman nan moman sa a, pwogram asistans pou lokasyon nan Florid yo trè limite. Nou ankouraje w vizite sit entènèt Konte lokal ou a pou jwenn resous. Nan Konte Orange, Pwogram Asistans pou Lwaye Ijans 2 (ERAP2) te disponib. Aprann plis isit la.

LEKÒL

Plis pase 2.5 milyon elèv nan Florid te rate lekòl pandan siklòn Ian, epi sa a pa konte enstitisyon edikasyon siperyè yo. Nou ankouraje ou tcheke nan distri lokal lekòl ou an pou konnen ki lè lekòl yo pral relouvri nan zòn ou an. Klike isit la a pou ou jwenn yon lis konplè Distri Lekòl Konte yo.

SANTE MANTAL

  • Peer Support Space toujou ap òganize rasanbleman kominal chak jou a 12PM ak 6PM (EST), lendi rive samdi. Nou akeyi moun kap viv lokalman oswa non-lokalman tanpèt la te afekte dirèkteman oswa endirèkteman. Sèl egzijans nou se fòk moun kap patisipe yo gen 18 lane ou plis. Nap travay di pou nou asire nou ke fasilitatè nou yo konnen ki resous ki disponib pou nenpòt patisipan tanpèt la te afekte.
  •  Wap ka jwenn sipò gratis 1:1 ant kamarad nan: TinyUrl.com/1to1Support
  •   Recovery Connections of Central Florida 24/7 Liy Dirèk dirije ant Kamarad (rele oswa voye tèks): 407-732-6837
  •    2-1-1: Yon resous gratis pou jwenn resous
  •   SAMSHA National Distress Hotline: 1-800-985-5990 yon liy dirèk nasyonal ki dedye pou li bay konsèy sou kriz imedya pou moun ki an detrès emosyonèl pa rapò ak nenpòt dezas natirèl oswa dezas moun koze.
  •  @FLBlue ap ofri vizit doktè vityèl gratis ak yon liy èd sipò emosyonèl bileng pou Floridyen #HurricaneIan  te afekte.
    • Liy dirèk pou vizit yo: 855-225-5032
    • Liy èd pou sipò emosyonèl: 833-848-1764
    • Tou de liy yo disponib 24/7

SANT REFIJ NAN KONTE ORANGE

Konte Orange ofri sant refij pou siklòn ak tanpèt kòm yon pati nan repons konplè li pou ede moun, fanmi yo ak kominote yo reponn ak rekipere apre dezas yo. Pa gen okenn sant refij ijans ki louvri nan moman sa a. Pou enskripsyon ak enfòmasyon sou Sant Refij pou Bezwen Espesyal yo, tanpri rele 311. Klike isit la pou ou aprann plis.

WAP CHÈCHE MWAYEN POU OU EDE?

Si ou ka bay lajan, men kèk opsyon:

Si wap chèche fason pou ou sèvi kòm benevòl: Red Cross (Lakwa Wouj) te aktive pòtay “Evènman Baze sou Benevòl” yo ke yo louvri pou gwo dezas. Si ou enterese/kapab sèvi kòm benevòl, tanpri swiv lyen sa a.

Pwofesyonèl Medikal: DOH rantre nan patenarya ak Volunteer Florida pou devlope yon pòtay sou entènèt la pou pwofesyonèl swen sante yo ki vle sèvi kòm benevòl dapre ekspètiz yo, konpetans, ak eksperyans yo nan zòn ki afekte ak siklòn Ian: https://www.volunteerflorida.org/

Donasyon san: Genyen tou yon bezwen pou san, aprann plis isit la: https://www.oneblood.org/lp/hurricane-closures.stml

Wap chèche sipòte òganizasyon san bi likratif lokal yo: Tcheke pòs Instagram sa a.